Hau izaten da unerik ederrenetakoa, beraiek hazitako barazkiak etxera ematen dituztenean erakusten duten poza eta harrotasuna. Honetaz gain, sasoiko bertako barazkiak ezagutzen dituzte eta elikadura osasuntsu baterako duten garrantzia ikasten dute, hau guztia, natura errespetetzeak duen garrantziaz jabetuz. Jarduera hau aurrera eramateko, loreontzi handiak ditugu Elkargunearen atzekaldean, beraz kanpora irteten gara eta haurrek asko eskertzen dute honakoa. Behin landaketa egindakoan, noizean behin, kanpora irteten gara eta gure
barazkiak nola hazten diren ikusten dugu, ura botatzen diegu eta bestelako zainketarik beharko balute, hor gaude gu beraien hazieran laguntzeko. Baina hau guztia martxan jartzeko, lehenik lur zaharra kendu eta berria jarri behar genuen loreontzietan, beraz hortan ibili giñen baratzagintzako lehenengo saioan
Txikien eta ertainen txandakoak izan ziren hau aurrera eraman zutenak eta egin esan lan bikaina egin zuten! Lur guztia atera, loreontziak garbi garbi laga eta lur zaharra konpostara bota genuen. Hurrengo pausoa, lur berria jarri eta landatzera!