Ruperten presentziak haurrei animalien zainketaren inguruan kontzientzia izaten erakusten die, zer esan nahi duen etxean maskota bat izateak. Horren zalantzan dauden familientzat, baliogarria da animalia baten presentzia Ludotekan; izan ere, behin etxean dugunean maskota ez dago atzera bueltarik, aldiz, ludotekan ikas dezakete zer suposa dezakeen animalia bat etxean izateak. Haurrak kontzienteago izateko, duela bi urtetik Rupert etxera eramateko proiektua dugu martxan. Haurrek aukera dute dordoka etxera eraman eta gehienez astebetez etxean izateko, honek dakarren inplikazio edo konpromisoarekin. Hainbat familia dira, proiektua eskertu dutenak, adieraziz beraien haurra kontzientziatu dela animalia bat etxean izateak suposatzen duenarekin.
Sei urtean haurrak hazi diren bezala, Rupert ere hazi egin da. Bere etxea txiki gelditu zitzaiola ohartu giñen eta gabonak bertan zeudenez Errege Magoei eskutitza idaztea pentsatu genuen, Rupertentzako etxe berria eskatuz. Dirudienez Ludotekako haurrak zintzo portatu dira aurten eta Errege Magoek opariren bat utzi ziguten